Tapy’ynha gã kavyre’ymava’ea vety-vety kavyra Amazoniava’ea, imõndovo imima pevo polícia gã ndavepiaki, imõndovo tapy’ynha gã e’yi kavyra rekoiva’ea. A’ea rupi e’yi kavyra rekoiva’ea gã matera mõndoi itymava’ea kawahiva gã kavyra rehe empresa gã estrangeirova’ea. Txia matera hoi supermercado pe, estrangeiro gãpe, EUA pe, Europa pe, China pe. Jymyn, tapy’ynha kavyra retyhara gã ‘ei, kawahiva gã ndopotari ore pyryvykyvoa. Ditadura gã pe, tapy’ynha gã ‘ei, “Kawahiva gã vereko e’yi kavyra”. Nãnungara tapy’ynha gã ‘ei kwarupi vehevi. Kwarupi tapy’ynha gã reki-reki kawahiva gã kavyripe nõ, otaukahara gã ‘ei omambam po kawahiva gã ‘inga otaukahara gã. 

Oko Uru Eu Wau Wau gã, Jupaú gã, Rondônia pupe. Kawahiva gã inūa vehevi. 1980 rerõnde, Jupaú gã rekoi yvyraparakwara ramõ. A’ea rupi, Jupaú gã rekoi kavyripe te’i. Comandante Aria rirē, ki Jupaú gã e’yi kavyra retymbava repiaki ko, karuvara repiaki ko, taukara repiaki ko. A’ea e’yi Jupaú gã jukai. Kawahiva gã kavyra rekovei ivanguvo. A’ea nhãnde epiaki yvate Uru Eu Wau Wau gã kavyra rekoi ikavyre’yma pyri. Opotave tapy’ynha gã kawahiva gã kavyra retyvo. Jupaú gã rekovei nhãnguvo.

Ekwahapa kavyra retyvera rehe kavyra Amazôniava’ea pe!

• Ekwahapa taukara amazôniava’ea janguva’ea rehe! Ekwahapa taukara kawahiva gã kavyra janguva’ea rehe!

• Ekwahapa kawahiva gã jangu-anguvo juvava ikatue’yma rehe! Resistência Indígena à expansão dos combustíveis fósseis

• Ekwahapa Uru Eu Wau Wau gã rehe!

• Epiang (Ore ho’ymamē, po mãngã txi hoi nãhē?). Txia pupe nde epiaki a’angava kawahiva gã kavyra nhanguva’ea: If Not Us Then Who

• Epiang (Kapyra mõndovo Jornalista gãpe) jimbo’evo jornalista gã pyryvykyvera rehe. Gã rekoi opyryvykyvo Amazôniva’ea pe, Congo pe, Sudeste da Ásia pe: Rainforest Journalism Fund  

• Epiang Kawahiva Gã Kavyra repiaka nderapyja rekoa kawahiva gã kavyripe Use Native Land, Land Acknowledgement Guide.